കണ്ണൂർ: കൂത്തുപറമ്പിൽ പതിനൊന്നു വയസുകാരനെ തൂങ്ങിമരിച്ച നിലയില്‍ കണ്ടെത്തി. കൈതേരി പന്ത്രണ്ടാംമൈലിലെ മാക്കുറ്റി ഹൗസില്‍ രാജശ്രീയുടെയും പരേതനായ രൂപേഷിന്റെയും മകനായ അജയ് കൃഷ്ണയെയാണ് മരിച്ച നിലയില്‍ കണ്ടെത്തിയത്.വീട്ടുകാരോട് വഴക്കുണ്ടാക്കി റൂമിലേയ്ക്ക് പോയ കുട്ടിയെ മരിച്ച നിലയില്‍ കണ്ടെത്തുകയായിരുന്നു. വീട്ടുകാരുമായുണ്ടായ വഴക്കിനെ തുടര്‍ന്ന് റൂമില്‍ വാതിലടച്ച്‌ ഇരിക്കുകയായിരുന്നു. പിന്നീടാണ് മുറിയില്‍ കുട്ടിയെ മരിച്ച നിലയില്‍ കണ്ടെത്തുന്നത്. മൃതദേഹം തലശ്ശേരി ജനറല്‍ ആശുപത്രിയിൽ സൂക്ഷിച്ചിരിക്കുകയാണ്.