ലണ്ടൻ: ഇംഗ്ലണ്ടിലെ നോട്ടിംഗ് ഹാമിനടുത്തുള്ള മിൽട്ടണ്‍ കെയിൻസിൽ ദേശീയ പാതയായ എം വണ്‍ മോട്ടോർ വേയിൽ വാഹനാപകടത്തിൽ മരിച്ചവരിൽ രണ്ടുപേർ മലയാളികൾ. കോട്ടയം ചേർപ്പുങ്കൽ കടൂക്കുന്നേൽ സിറിയക് ജോസഫ്(ബെന്നി-52), വിപ്രോയിലെ എൻജിനീയറായ കോട്ടയം ചിങ്ങവനം ചാന്ദാനിക്കാട് ഇരുന്പപ്പുഴ സ്വദേശി ഋഷി രാജീവ്(28) എന്നിവരാണ് മരിച്ച മലയാളികൾ. നോട്ടിംഗ്ഹാമിൽ പതിനഞ്ചു വർഷമായി താമസിക്കുന്ന ബെന്നി സ്വന്തമായി മിനി ബസ് സർവീസ് നടത്തുകയായിരുന്നു.ശനിയാഴ്ച വൈകിട്ട് ഒന്നരയോടെ നോട്ടിംഗ്ഹാമിൽനിന്നു ലണ്ടനു സമീപത്തുള്ള വെന്പ്ലിയിലേക്കു തന്‍റെ മിനിബസുമായി പോകുന്പോഴാണ് അപകടം. ബസിൽ പത്തു യാത്രക്കാരുണ്ടായിരുന്നു. മിൽട്ടണ്‍ കെയിൻസിൽ ജംഗ്ഷനിൽ രണ്ടു ട്രക്കുകളുമായി ബസ് കൂട്ടിയിടിക്കുകയായിരുന്നു. വിപ്രോയിലെ മറ്റ് മൂന്ന് എൻജിനീയർമാരും അവരുടെ കുടുംബാംഗങ്ങളുമാണ് അപകടത്തിൽ മരിച്ച മറ്റുള്ളവർ. നാലുപേർ ഗുരുതരമായി പരുക്കേറ്റു ചികിൽസയിലാണ്.ടു പണി തുടങ്ങാനായി അടുത്ത നാലിന് നാട്ടിൽ പോകാൻ ടിക്കറ്റ് എടുത്തിരിക്കുകയായിരുന്നു ബെന്നി. അപകടകരമായ രീതിയിൽ വാഹനമോടിച്ചതിനു രണ്ടു ലോറി ഡ്രൈവർമാരെയും പോലീസ് അറസ്റ്റ് ചെയ്തു. രാജ്യത്തെ ഏറ്റവും തിരക്കേറിയ പാത കൂടിയായ എം വണ്‍ അപകടം മൂലം മണിക്കൂറുകൾ അടച്ചിട്ടിരുന്നു.