ക​യ​ര​ള​ത്ത് നാ​യ്ക്കു​റു​ക്ക​ന്‍റെ ക​ടി​യേ​റ്റ് എ​ട്ടു​പേ​ർ​ക്ക് പരിക്ക്

കണ്ണൂർ: കയരളത്ത് സമീപവാസികളായ വൃദ്ധരും കുട്ടിയുമടക്കും എട്ടുപേർക്ക് നായ്ക്കുറുക്കന്‍റെ (നായ്- കുറുക്കൻ എന്നിവയുടെ സങ്കരം) കടിയേറ്റ് ഗുരുതര പരിക്ക്. കയരളത്തെ ചന്ദ്രമതി (61), കമലാക്ഷി (66), ഹഗിത്ത് (ഏഴ്), ടി.വി. ദാമോദരൻ (74), പ്രേമരാജൻ (48), നാരായണി (62), കോമളവല്ലി (55), രമ്യ (25) എന്നിവർക്കാണ് പരിക്കേറ്റത്. കൊവ്വപ്പാടത്തും, കരക്കണ്ടത്തും വച്ചാണ് ഇവർക്ക് നായയുടെ കടിയേറ്റത്. കാലിനും കൈയ്ക്കും കടിയേറ്റ ഇവരെ കണ്ണൂർ ജില്ലാ ആശുപത്രിയിൽ പ്രഥമ ശുശ്രൂഷയ്ക്കു ശേഷം കോഴിക്കോട് മെഡിക്കൽ കോളജിലേക്കു കൊണ്ടുപോയി. പ്രേമരാജനാണ്ഏറ്റവും കൂടുതൽ കടിയേറ്റത്. ഇദ്ദേഹം നായ്ക്കുറുക്കനെ കൊല്ലുകയും ചെയ്തു.