മയ്യഴി:അഴിയൂർ കോറോത്ത് തെരുവുനായയുടെ ആക്രമണത്തിൽ എട്ടുപേർക്ക് പരിക്കേറ്റു. കൊടക്കാട്ട് കണ്ടി കുമാരൻ(75),കുനിയിൽ രവിത(30),വാമേര ഫജർ(9),മണിയോത്ത് സാബിത്ത്(8),കളരിപ്പറമ്പത്ത് പൂക്കോയ(62),മറിയുമ്മ(68),സലിം ചാലിയാട്ട്(42),അശ്വിൻ കുനിയിൽ(5), എന്നിവർക്കാണ് പരിക്കേറ്റത്. പരിക്കേറ്റവരിൽ രണ്ടുപേരെ കോഴിക്കോട് മെഡിക്കൽ കോളേജിലും അഞ്ചുപേരെ തലശ്ശേരി ജനറൽ ആശുപത്രിയിലും പ്രവേശിപ്പിച്ചു.തിങ്കളാഴ്ച രാവിലെ ഒൻപതുമണിയോടെ മദ്രസ വിട്ടുപോവുകയായിരുന്ന വിദ്യാർത്ഥികളെയാണ് തെരുവുനായ ആദ്യം ആക്രമിച്ചത്.പിന്നീട് മറ്റുള്ളവരെയും ആക്രമിക്കുകയായിരുന്നു. മിക്ക കുട്ടികൾക്കും കൈക്കും കാലിനുമാണ് പരിക്കേറ്റത്.