ദുബായ്:ദുബായില്‍ വാഹനാപകടത്തിൽ ഇന്ത്യക്കാരുള്‍പ്പെടെ എട്ടുപേര്‍ക്ക് ദാരുണാന്ത്യം.ദുബായില്‍ ഷെയ്ഖ് മുഹമ്മദ് ബിന്‍ സായിദ് റോഡില്‍, ജോലി സ്ഥലത്തേയ്ക്ക് പോവുകയായിരുന്ന 15 യാത്രക്കാര്‍ക്ക് യാത്ര ചെയ്യാവുന്ന മിനി ബസ് മിര്‍ദിഫ് സിറ്റി സെന്ററിനടുത്തായി ട്രക്കിന് പിന്നിലിടിച്ചാണ് അപകടമുണ്ടായത്.ഇന്ന് പുലര്‍ച്ചെയായിരുന്നു അപകടമെന്ന് ദുബായ് ആംബുലന്‍സ് എക്സിക്യുട്ടീവ് ഡയറക്ടര്‍ ഖലീഫ ബിന്‍ ദായി പറഞ്ഞു. ഒട്ടേറെ പേര്‍ക്കു പരിക്കേറ്റു. ഇവരെ റാഷിദ് ആശുപത്രിയില്‍ പ്രവേശിപ്പിച്ചു. മൃതദേഹങ്ങര്‍ ആശുപത്രി മോര്‍ച്ചറിയിലേയ്ക്ക് മാറ്റി. മരിച്ചവരിലോ പരുക്കേറ്റവരിലെ മലയാളികളുണ്ടോ എന്ന് തിരിച്ചറിഞ്ഞിട്ടില്ല. കൂടുതല്‍ വിവരങ്ങള്‍ ലഭ്യമല്ല.