കണ്ണൂർ:പറശ്ശിനിക്കടവിൽ ലോഡ്ജില്‍ മുറിയെടുത്ത് ചീട്ടുകളിയിലേര്‍പ്പെട്ട എട്ടുപേര്‍ അറസ്റ്റില്‍. ഇവരില്‍ നിന്ന് ഒരു ലക്ഷത്തി ആയിരം രൂപയും പോലീസ് പിടിച്ചെടുത്തു. ചിറക്കലിലെ കെ. മജീദ് (44),തളിപ്പറമ്പ് ഞാറ്റുവയലിലെ കെ.കെ അഷറഫ് (50), തളിപ്പറമ്പ് കാക്കാത്തോട്ടിലെ പി.എം മുഹമ്മദ് സാക്കീര്‍ (28), തളിപ്പറമ്പിലെ എ.പി അഷറഫ് (47), വെള്ളോറ കോയിപ്രയിലെ എ.പി ഷെരീഫ് (40), സീതീസാഹിബ് ഹൈസ്‌കൂളിന് സമീപത്തെ ടി.വി സിദ്ദീഖ് (50), പാവന്നൂര്‍മൊട്ടയിലെ രാമചന്ദ്രന്‍ (52), കാട്ടാമ്പള്ളിയിലെ എ. സൈനുദ്ദീന്‍ (45) എന്നിവരെയാണ് തളിപ്പറമ്പ് എസ്.ഐ കെ.പി ഷൈനിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്.പറശ്ശിനിക്കടവ് കോള്‍മൊട്ടയിലെ കെ.കെ റസിഡന്‍സി എന്ന ലോഡ്ജില്‍ നിന്നാണ് ഇവർ പിടിയിലായത്.രാത്രി എട്ടുമണിയോടെ രഹസ്യ വിവരം ലഭിച്ചതിനെ തുടര്‍ന്നാണ് പോലീസ് റെയിഡ് നടത്തിയത്. സ്ഥിരമായി ഈ സംഘം ഇവിടെ മുറിയെടുത്ത് വന്‍തോതില്‍ പണം വെച്ച്‌ ചീട്ടുകളിക്കാറുണ്ടെന്ന് പോലീസ് പറഞ്ഞു. എ.എസ്.ഐ എ.ജി അബ്ദുള്‍ റൗഫ്, സി.പി.ഒമാരായ സ്‌നേഹേഷ്, ബിനേഷ്, മഹേഷ്, ബിനീഷ്, പ്രകാശന്‍, അബ്ദുള്‍ ജബ്ബാര്‍, വിപിന്‍, പ്രകാശന്‍ എന്നിവരും പ്രതികളെ പിടികൂടിയ സംഘത്തിലുണ്ടായിരുന്നു.