സദാചാര ഗുണ്ടായിസത്തിനെതിരെ ഡി.വൈ.എഫ്.യുടെ സമരം

കണ്ണൂർ: ആണും പെണ്ണും ഒരുമിച്ചിരുന്നാലോ ഇത്തിരി നേരം സംസാരിച്ചാലോ പൊട്ടിത്തെറിക്കുന്ന അഗ്നിഗോളമല്ല മനുഷ്യശരീരം എന്ന പ്രഖ്യാപനവുമായി ആല്‍മരത്തണലിരുന്ന് പാട്ടുപാടിയും സൗഹൃദം പങ്കുവെച്ചും സദാചാര ഗുണ്ടായിസത്തിനെതിരെ ഡി.വൈ.എഫ്.യുടെ സമരം. കണ്ണൂര്‍ പയ്യാമ്പലം പാര്‍ക്കായിരുന്നു സമരവേദി. വൈകീട്ട് നാലുമണിയോടെ നേതാക്കളും പ്രവര്‍ത്തകരും പാര്‍ക്കിലെത്തി. സദാചാര ഗുണ്ടായിസത്തിനെതിരെയുള്ള തെരുവുനാടകവും അവതരിപ്പിച്ചു. ജില്ലാപഞ്ചായത്ത് പ്രസിഡന്റ് കെ.വി.സുമേഷും ഇന്ത്യന്‍ മുന്‍ വോളി ടീം ക്യാപ്റ്റന്‍ കിഷോര്‍കുമാര്‍ പരിപാടിയില്‍ പങ്കെടുത്തു.