കണ്ണൂർ:മദ്യപിച്ച് വാഹനമോടിച്ച് നിരവധി വാഹനങ്ങളിൽ ഇടിച്ച് അപകടമുണ്ടാക്കിയയാളെ പിടികൂടി.ചൊവ്വ സ്വദേശി സുരഭ്(26) ആണ് പിടിയിലായത്.ഇന്നലെ വൈകിട്ടാണ് സംഭവം. ഇയാൾ ഓടിച്ചിരുന്ന കാർ നിർത്തിയിട്ടിരുന്നതും ഓടിക്കൊണ്ടിരുന്നതുമായ അഞ്ചു ബൈക്കുകളും ഒരു കാറും ഇടിച്ചുതെറിപ്പിച്ചാണ് പോയതെന്ന് ട്രാഫിക് പോലീസ് പറഞ്ഞു. ഒടുവിൽ കക്കാട് ചേനോളി ബസാറിൽ റോഡരികിലെ തൂണിലിടിച്ചാണ് കാർ നിന്നത്. വിവരമറിഞ്ഞ് സ്ഥലത്തെത്തിയ പോലീസ് മദ്യപിച്ച് വാഹനമോടിച്ച് അപകടം വരുത്തിയതിന് ഇയാളുടെ പേരിൽ കേസെടുക്കുകയായിരുന്നു.