കണ്ണൂര്‍: പുതുവര്‍ഷത്തില്‍ കണ്ണൂരില്‍ മയക്കുമരുന്ന് പാര്‍ട്ടി നടത്തിയ സംഘം പിടിയില്‍. ഒരു യുവതിയടക്കം ഏഴു പേരാണ് പിടിയിലായത്.എം.ഡി.എം.എ, എല്‍.എസ്.ഡി, ഹാഷിഷ് ഓയില്‍ എന്നിവ അടക്കം മയക്കുമരുന്നുകളുമായാണ് ഇവര്‍ പിടിയിലായത്.കണ്ണൂര്‍, കാസര്‍കോട്, പാലക്കാട്, വയനാട് ജില്ലകളില്‍നിന്നുള്ളവരാണ് ഇവര്‍.ബക്കളത്തെ സ്നേഹ ഇന്‍ ഹോട്ടലില്‍ നിന്നാണ് സംഘത്തെ അറസ്റ്റ് ചെയ്തത്.ഇവരില്‍ നിന്ന് 2,50,000 രൂപ വിലവരുന്ന എംഡിഎംഎ, 40,000 രൂപ വിലവരുന്ന 8 എല്‍എസ്ഡി സ്റ്റാമ്പുകൾ, 5000 രൂപയുടെ ഹാഷിഷ് ഓയില്‍ എന്നിവ പിടിച്ചെടുത്തു.