കോഴിക്കോട്:കരിപ്പൂര്‍ വിമാനത്താവളം വഴി ദോഹയിലേക്ക് വിമാനമാര്‍ഗം കടത്താന്‍ ശ്രമിച്ച രണ്ടരക്കോടി രൂപ വില മതിക്കുന്ന ലഹരിമരുന്ന് പിടികൂടി. 530 ഗ്രാം എംഡിഎംഎ ആണ് പിടികൂടിയത്.സംഭവത്തില്‍ ഒരാള്‍ സിഐഎസ്‌എഫിന്റെ പിടിയിലായിട്ടുണ്ട്. കണ്ണൂര്‍ കുഞ്ഞിപ്പള്ളി മുല്ലാലി വീട്ടില്‍ ജാബിര്‍ ആണ് പിടിയിലായത്.ദോഹയിലേക്ക് ഖത്തര്‍ എയര്‍വേയ്‌സ് വിമാനത്തില്‍ ലഹരി മരുന്ന് കടത്താനായിരുന്നു ശ്രമം. കേസ് കൊച്ചി നാര്‍ക്കോട്ടിക് കണ്‍ട്രോള്‍ ബ്യൂറോയ്ക്ക് കൈമാറി.