കണ്ണൂര്: എഐസിസി വക്താവ് ഷമാ മുഹമ്മദിനും ഇരട്ടവോട്ടെന്ന് കണ്ടെത്തല്. സിപിഐഎം കണ്ണൂര് ജില്ലാ സെക്രട്ടറി എം. വി. ജയരാജനാണ് ഷമയ്ക്കെതിരെ ആരോപണവുമായി രംഗത്തെത്തിയത്. ഷമയ്ക്ക് രണ്ടു വോട്ടുകളും ഒരു ബൂത്തിലാണ്. കണ്ണൂര് നിയമസഭാ മണ്ഡലത്തിലെ 89ാം ബൂത്തിലാണിത്. 89-ാം ബൂത്തിലെ 532-ാം നമ്പർ വോട്ടറായ ഷമാ മുഹമ്മദ് വിലാസത്തോടൊപ്പം പിതാവ് മുഹമ്മദ് കുഞ്ഞിയുടെ പേരാണ് കൊടുത്തിരിക്കുന്നത്.എന്നാല് ഇതേ ബൂത്തിലെ 125-ാം നമ്പർ വോട്ടറും ഷമാ മുഹമ്മദാണ്. ഇവിടെ വിലാസത്തില് ഭര്ത്താവ് കെ. പി സോയ മുഹമ്മദിന്റെ പേരാണ് നല്കിയിരിക്കുന്നതെന്നും ജയരാജന് ആരോപിച്ചു. ഇരട്ടവോട്ട് ആരോപണം ഉന്നയിച്ച പ്രതിപക്ഷ നേതാവ് രമേശ് ചെന്നിത്തല ഷമ മുഹമ്മദിനെതിരെ നടപടിയെടുക്കുമോയെന്ന് സിപിഐ എം കണ്ണൂര് ജില്ലാ സെക്രട്ടറി എം വി ജയരാജന് ചോദിച്ചു. ജില്ലയില് ഇത്തരത്തില് വിവിധ നിയമസഭാ മണ്ഡലങ്ങളിലെ യുഡിഎഫ് ശക്തികേന്ദ്രങ്ങളില് കോണ്ഗ്രസും മുസ്ലിംലീഗും വ്യാപകമായി വോട്ടുചേര്ത്തതിന്റെ വിവരങ്ങളാണ് പുറത്തുവന്നുകൊണ്ടിരിക്കുന്നതെന്നും മാധ്യമങ്ങളോട് സംസാരിക്കവെ ജയരാജന് പറഞ്ഞു.