കണ്ണൂർ :ആശുപത്രിയിൽ രോഗികളെ പരിശോധിക്കുന്നതിനിടെ ഡോക്ടര്‍ കുഴഞ്ഞുവീണു മരിച്ചു.ജില്ലയിലെ പ്രശസ്ത ശിശുരോഗ വിദഗ്ധനും മെഡ് ക്ലിനിക് ഉടമയുമായ കക്കാട് കോര്‍ജാന്‍ സ്കൂളിന് സമീപത്തെ ‘മിലനി’ല്‍ ഡോ. എസ്.വി. അന്‍സാരിയാണ് (59) മരിച്ചത്.വ്യാഴാഴ്ച രാവിലെ രോഗികളെ പരിശോധിക്കുന്നതിനിടെ സ്വകാര്യ ആശുപത്രിയില്‍ വെച്ച്‌ കുഴഞ്ഞുവീഴുകയായിരുന്നു. ഉടന്‍ അത്യാഹിത വിഭാഗത്തിലെത്തിച്ചെങ്കിലും മരിച്ചു. ഹൃദയാഘാതമാണ് മരണകാരണമെന്ന് ഡോക്ടര്‍മാര്‍ അറിയിച്ചു.പിതാവ് പരേതരായ പിഡിയാട്രിക് ഡോക്ടറും റഷീദ് ക്ലിനിക് ഉടമയുമായ ഡോ. എ.കെ. കാദര്‍കുഞ്ഞ്, മാതാവ് കുഞ്ഞാമിന. ഭാര്യ: ഡോ. സവിത അന്‍സാരി. മക്കള്‍: ഡോ. ജസീം അന്‍സാരി (ബംഗളൂരു), ഡോ. ഹൈബ അന്‍സാരി (കൊല്ലം). മരുമക്കള്‍: ഫഹദ്, ഡോ. ഷമീന. സഹോദരങ്ങള്‍: ഡോ. ഹാരിസ്, ഡോ. അഷറഫ്, റഷീദ, ജമീല.