കണ്ണൂർ:ജില്ലയിൽ ദേശീയപതാകയോട് അനാദരവ്.കലക്‌ടറേറ്റിന് മുന്നിലെ റോഡരികിലാണ് സംഭവം. ദേശീയപതാക പ്ലാസ്റ്റിക് പൈപ്പില്‍ കെട്ടി റോഡരികിലെ ഓടയ്ക്ക് സമീപത്ത് നിലത്തു സ്ഥാപിച്ച നിലയിലാണ് കണ്ടെത്തിയത്.ടൗണ്‍ പൊലീസ് സ്ഥലത്തെത്തി പതാക എടുത്തു മാറ്റുകയായിരുന്നു.പതാകയുടെ ഉള്ളില്‍ മുഴുവന്‍ ചെളി പുരണ്ട നിലയിലാണുള്ളത്.ഏതെങ്കിലും രീതിയിലുള്ള പ്രതിഷേധത്തിന്റെ ഭാഗമായി പ്രവർത്തകർ കണ്ണൂര്‍ കളക്‌ട്രേറ്റിന്‌ മുന്നില്‍ സ്ഥാപിച്ചതായിരിക്കാം എന്നാണ് പോലീസ് സംശയിക്കുന്നത്. എതായാലും സമീപത്തെ കടകളിലെ സിസി ടീവി ക്യാമറകള്‍ പരിശോധക്കുമെന്ന് പോലീസ് പറയുന്നു. അതനുസരിച്ച്‌ ആളെ കണ്ടെത്താന്‍ കഴിയുമെന്നാണ് പോലീസ് വ്യക്തമാക്കുന്നത്. സംഭവത്തിൽ പോലീസ് അന്വേഷണം ഊർജിതമാക്കിയിരിക്കുകയാണ്.