തൃശൂര്‍: മാപ്രാണത്ത് പാര്‍ക്കിങ്ങിനെ ചൊല്ലി ഉണ്ടായ തർക്കത്തിനൊടുവിൽ ലോട്ടറി വ്യാപാരിയെ കുത്തിക്കൊന്നു. മാപ്രാണം സ്വദേശി വാലത്ത്രാജന്‍ (65) ആണ് കൊല്ലപ്പെട്ടത്. ഇയാളുടെ മരുമകന് ആക്രമണത്തില്‍ പരിക്കേറ്റു.രാജന്റെ വീടിന് മുന്നില്‍ സ്ഥിതി ചെയ്യുന്ന തിയേറ്റര്‍ നടത്തിപ്പുകാരനും ജീവനക്കാരുമാണ് ആക്രമണം നടത്തിയത്.പ്രതികൾ ഒളിവിലാണെന്ന് പൊലീസ് വ്യക്തമാക്കി.ഇന്നലെ രാത്രി12 മണിയോടെയാണ് സംഭവം.രാജന്റെ വീടിന് മുന്നിലുള്ള വര്‍ണ തീയേറ്ററിലെ പാര്‍ക്കിങ് ആണ് തര്‍ക്കത്തിന് കാരണമായത്. തീയേറ്ററിലെ പാര്‍ക്കിങ് സ്ഥലം നിറഞ്ഞാൽ വാഹനങ്ങൾ പാർക്ക് ചെയ്തിരുന്നത് രാജന്റെ വീടിന് സമീപത്താണ്.ഇത് സംബന്ധിച്ച്‌ നേരത്തേ രാജന്‍ തീയേറ്റര്‍നടത്തിപ്പുകാരനുമായി സംസാരിച്ചിരുന്നു. ഇന്നലെ ഇത് സംബന്ധിച്ച സംസാരം വാക്കേറ്റത്തിലെത്തി. തുടർന്ന് രാത്രി 12 മണിയോടെ എത്തിയ അക്രമികള്‍ രാജനെ വീട്ടില്‍ കയറികുത്തുകയായിരുന്നു. ഏറെ നേരം രക്തം വാര്‍ന്നു കിടന്ന രാജന്‍ വീട്ടില്‍വെച്ചു തന്നെ മരിച്ചു.ഇതിനിടെ രാജന്റെ മരുമകന് വിനുവിന് ബിയര്‍ബോട്ടില്‍ കൊണ്ട് തലക്ക് അടിയേറ്റു. ഇയാളെ പിന്നീട് ആശുപത്രിയില്‍ പ്രവേശിപ്പിച്ചു.