തളിപ്പറമ്പ്: ബസ് സ്റ്റാൻഡിനു സമീപം വൈദ്യുത തൂണിന്റെ ചുവട്ടിൽ നിന്നു ദേശീയപാതയിലേക്ക് അഴുക്കുജല പ്രവാഹം. തളിപ്പറമ്പ് ബസ് സ്റ്റാൻഡിൽ കണ്ണൂർ ഭാഗത്തേക്കുള്ള ബസുകൾ നിർത്തുന്ന ദേശീയപാതയിലെ ബസ് സ്റ്റോപ്പിലേക്കാണ് ദിവസങ്ങളായി അഴുക്കുജല പ്രവാഹം തുടരുന്നത്. ഇവിടെയുള്ള വൈദ്യുത തൂണിന്റെ അടിയിൽ തകർന്ന അഴുക്കുജല പൈപ്പിൽ നിന്നാണ് വെള്ളം പുറത്തേക്ക് വരുന്നതെന്നാണ് കരുതുന്നത്.ഇതിനു സമീപത്തുള്ള ഹോട്ടലുകളിൽ നിന്നു രഹസ്യമായി ദേശീയപാതയുടെ ഓവുചാലിലേക്ക് നിർമിച്ച അഴുക്കുജല പൈപ്പായിരിക്കാം ഇതിന് അടിയിലുള്ളതെന്നാണ് സമീപത്തെ വ്യാപാരികളും പറയുന്നത്.