പാലക്കാട്:സാമ്പത്തിക തട്ടിപ്പ് കേസിൽ സംവിധായകന്‍ വി.എ. ശ്രീകുമാര്‍ മേനോന്‍ അറസ്റ്റില്‍.ആലപ്പുഴ സൗത്ത് പോലീസാണ് ശ്രീകുമാര്‍ മേനോനെ അറസ്റ്റ് ചെയ്തത്.ശ്രീവല്‍സം ഗ്രൂപ്പില്‍ നിന്നും എട്ട് കോടി രൂപ തട്ടിയെന്നാണ് പരാതി. ഒരു വര്‍ഷം മുന്‍പാണ് ശ്രീകുമാര്‍ മേനോനെതിരെ പരാതി പോലീസിന് ലഭിച്ചത്.കേസ് രജിസ്റ്റര്‍ ചെയ്തതോടെ ശ്രീകുമാര്‍ മേനോന്‍ മുന്‍കൂര്‍ ജാമ്യത്തിന് അപേക്ഷ നല്‍കിയിരുന്നു. എന്നാല്‍ കോടതി ഇത് തള്ളിയതോടെയാണ് ശ്രീകുമാര്‍ അറസ്റ്റിലാകുന്നത്. ഇയാളെ പോലീസ് ചോദ്യം ചെയ്തു വരികയാണ്.മോഹന്‍ലാല്‍ നായകനായ ഒടിയൻ എന്ന ചിത്രത്തിന്റെ സംവിധായകനാണ് ശ്രീകുമാര്‍ മേനോന്‍. നിരവധി പരസ്യ ചിത്രങ്ങളും അദ്ദേഹം സംവിധാനം ചെയ്തിട്ടുണ്ട്.