കൊച്ചി:നടി ആക്രമിക്കപ്പെട്ട കേസിൽ അറസ്റ്റിലായ ദിലീപിന്റെ കസ്റ്റഡി കാലാവധി ഇന്ന് അവസാനിക്കും.ഇന്ന് രാവിലെ പതിനൊന്നു മണിക്ക് ദിലീപിനെ കോടതിയിൽ ഹാജരാക്കും.ദിലീപിന്റെ ജാമ്യാപേക്ഷയിൽ കോടതി ഇന്ന് വിധി പറയും.ഇന്ന് പ്രോസിക്യൂഷൻ വാദം കേട്ട ശേഷമായിരിക്കും കോടതി ജാമ്യാപേക്ഷയിൽ വിധി പറയുക.നേരത്തെ നടന്ന പ്രതിഭാഗം വാദത്തിൽ അറസ്റ്റ് നിയമവിരുദ്ധമാണെന്നും തെളിവുകൾ കെട്ടിച്ചമച്ചതാണെന്നും ദിലീപിന് വേണ്ടി ഹാജരായ അഭിഭാഷകൻ പറഞ്ഞിരുന്നു.പത്തു ശാസ്ത്രീയ തെളിവുകളും അഞ്ചു ദൃക്‌സാക്ഷി മൊഴികളും നിരത്തുന്ന പോലീസ് അത് ഉറപ്പാക്കാനുള്ള ചോദ്യം
ചെയ്യൽ ഇന്നലെയും നടത്തിയിരുന്നു.ഇന്ന് അന്വേഷണം സംബന്ധിച്ച നിർണായക നീക്കങ്ങൾ ഉണ്ടായേക്കുമെന്നാണ് സൂചന.സംഭവത്തിൽ നേരത്തെ ചോദ്യം ചെയ്ത ദിലീപിന്റെ മാനേജർ അപ്പുണ്ണിയെയും നാദിര്ഷയെയും ഇന്ന് കസ്റ്റഡിയിലെടുക്കാൻ സാധ്യതയുണ്ട്.