കൊച്ചി:അഞ്ചാമതും ജാമ്യ ഹർജി നൽകിയ ദിലീപിന് ഹൈക്കോടതിയിൽ കനത്ത തിരിച്ചടി.നേരത്തെ ജാമ്യാപേക്ഷ തള്ളിയ സാഹചര്യത്തിൽ എന്ത് മാറ്റമാണ് ഉള്ളതെന്ന് ഹൈക്കോടതി ദിലീപിനോട് ആരാഞ്ഞു.പുതിയ സാഹചര്യങ്ങൾ ഉണ്ടായാൽ മാത്രമേ ജാമ്യാപേക്ഷ പരിഗണിക്കാനാകൂ എന്ന് പറഞ്ഞ ഹൈക്കോടതി ഹർജി 26 ലേക്ക് മാറ്റി.ജാമ്യാപേക്ഷ പെട്ടെന്ന് പരിഗണിക്കണമെന്ന് ദിലീപിന്റെ അഭിഭാഷകൻ കോടതിൽ ആവശ്യപ്പെട്ടു.എന്നാൽ മറുപടി നല്കാൻ സമയം വേണമെന്ന് പ്രോസിക്യൂഷൻ കോടതിയിൽ പറഞ്ഞു.തുടർന്നാണ് ജാമ്യഹർജി പരിഗണിക്കുന്നത് 26 ലേക്ക് മാറ്റിയത്.കേസുമായി ബന്ധപ്പെട്ട് താൻ സാക്ഷികളെ സ്വാധീനിക്കാൻ ശ്രമിക്കുകയില്ലെന്നും താൻ ജയിലിലായത് കാരണം അമ്പതു കോടിയുടെ സിനിമ പ്രൊജക്റ്റുകളാണ് അവതാളത്തിലായിരിക്കുന്നതെന്നും ദിലീപിന്റെ ജാമ്യഹർജിയിൽ പറയുന്നു.സംവിധായകൻ ശ്രീകുമാർ മേനോന് തന്നോട് പകയുണ്ടെന്നും കേസിൽ ആദ്യം ഗൂഢാലോചന ആരോപിച്ച മഞ്ജു വാര്യർക്ക് എ ഡി ജി പി ബി.സന്ധ്യയുമായി അടുത്ത ബന്ധമാണ് ഉള്ളതെന്നും ദിലീപ് ജാമ്യ ഹർജിയിൽ ആരോപിക്കുന്നു.ജസ്റ്റിസ് സുനിൽ തോമസിന്റെ ബെഞ്ചാണ് ദിലീപിന്റെ ജാമ്യാപേക്ഷ പരിഗണിച്ചത്.നേരത്തെ ദിലീപ് നൽകിയ രണ്ടു ജാമ്യാപേക്ഷകൾ തള്ളിയത് ജസ്റ്റിസ് സുനിൽ തോമസ് തന്നെയായിരുന്നു.