കര്‍ണാടക:ധാര്‍വാഡില്‍ നിര്‍മാണത്തിലിരുന്ന കെട്ടിടം തകര്‍ന്നുവീണു മരിച്ചവരുടെ എണ്ണം 15 ആയി.61 പേരെ രക്ഷപെടുത്തി. ഇനിയും 12 പേരോളം അവശിഷ്ടങ്ങള്‍ക്കുള്ളില്‍ കുടുങ്ങിക്കിടക്കുന്നുണ്ടെന്നാണ് സൂചന. 72 മണിക്കൂറായി ദേശീയ ദുരന്തനിവാരണ സേനയുടെ നേതൃത്വത്തില്‍ രക്ഷാപ്രവര്‍ത്തങ്ങള്‍ പുരോഗമിക്കുകയാണ്.മൂന്ന് നിലയ്‌ക്കുള്ള അനുമതിയെ ഉണ്ടായിരുന്നുള്ളുവെന്നും, നിലവാരം കുറഞ്ഞ സാമഗ്രികളുപയോഗിച്ച്‌ അഞ്ച് നിലകള്‍ നിര്‍മിച്ചതാണ് അപകടകരണമെന്നും മുനിസിപ്പല്‍ അധികൃതര്‍ അറിയിച്ചു. കെട്ടിടത്തിന്റെ ഉടമകളെ പോലീസ് അറസ്റ്റു ചെയ്തു.അവശിഷ്ടങ്ങള്‍ക്കിടയില്‍ നിന്നു ശബ്ദം കേള്‍ക്കുന്നതിനാല്‍ തിരച്ചില്‍ തുടരുകയാണ്.