തിരുവനന്തപുരം: ബാലഭാസ്കറിന്റെ അപകട മരണത്തെക്കുറിച്ച്‌ വിശദമായ അന്വേഷണത്തിന്റെ ഭാഗമായി കേസ് അന്വേഷിക്കുന്ന ക്രൈംബ്രാഞ്ച് വടക്കുംനാഥ ക്ഷേത്രത്തില്‍ തെളിവെടുപ്പ് നടത്തി.ക്ഷേത്രത്തില്‍ ബാലഭാസ്കറും കുടുംബവും നടത്തിയ പൂജാ വിവരങ്ങള്‍, താമസിച്ച ഹോട്ടല്‍, പുറപ്പെട്ട സമയം എന്നിവയുടെ രേഖകളാണ് ആദ്യം പരിശോധിക്കുന്നത്.ക്രൈം ബ്രാഞ്ച് സംഘം ക്ഷേത്രത്തിനകത്തും തെളിവെടുപ്പ് നടത്തി.ഇതിന് ശേഷം ബാലഭാസ്കറിന്റെ ഡ്രൈവര്‍ അര്‍ജുനില്‍ നിന്ന് മൊഴിയെടുക്കുമെന്നാണ് സൂചന.വടക്കുംനാഥ ക്ഷേത്രത്തില്‍ നിന്ന് തലസ്ഥാനത്തേക്ക് മടങ്ങുന്ന വഴിയിലാണ് ബാലഭാസ്‌ക്കറും കുടുംബവും സഞ്ചരിച്ച കാര്‍ അപകടത്തില്‍പ്പെട്ടത്.