കൊല്ലം: കൊല്ലം പുത്തൂരില്‍ നവജാതശിശുവിന്‍റെ മൃതദേഹം തെരുവുനായകള്‍ കടിച്ചു കീറിയ നിലയില്‍ കണ്ടെത്തി.മൂന്നു ദിവസം പ്രായമായ മൃതദേഹമാണ് കുറ്റിക്കാട്ടില്‍ കണ്ടെത്തിയത്. മാംസ കഷണങ്ങള്‍ തെരുവുനായകള്‍ കടിച്ചുകീറുന്നത് ശ്രദ്ധയില്‍പ്പെട്ട നാട്ടുകാര്‍ നടത്തിയ തെരച്ചിലിലാണ് മൃതദേഹം കണ്ടെത്തിയത്. പോലീസ് സ്ഥലത്ത് പരിശോധന നടത്തി. മൃതദേഹം കൊല്ലം ജില്ലാ ആശുപത്രിയിലേക്ക് മാറ്റും.കുഞ്ഞിനെ പ്രസവശേഷം ജീവനോടെ ഉപേക്ഷിച്ചതാണോ അതോ മരണശേഷം മൃതദേഹം ഉപേക്ഷിച്ചതാണോ എന്നത് സംബന്ധിച്ച് കൊല്ലം റൂറല്‍ എസ് പി യുടെ നേതൃത്വത്തില്‍ അന്വേഷണം ആരംഭിച്ചു.