കണ്ണൂർ:നഗരമധ്യത്തിൽ നിർത്തിയിട്ട കാറിനുള്ളിൽ സര്‍ക്കാര്‍ ഉദ്യോഗസ്ഥന്റെ മൃതദേഹം കണ്ടെത്തി. പൊന്നാനി അസിസ്റ്റന്റ് ലേബര്‍ ഓഫീസര്‍ ഇ.വി. ശ്രീജിത്തിന്റെ(47) മൃതദേഹമാണ് താലൂക്ക് ഓഫീസ് വളപ്പിലുള്ള ലേബര്‍ കോടതിയുടെ മുന്‍പില്‍ നിര്‍ത്തിയിട്ട കാറിലായി കണ്ടെത്തിയത്.കണ്ണൂര്‍ ടൗണ്‍ സി.ഐയുടെ നേതൃത്വത്തില്‍ പൊലീസ് സംഘം സ്ഥലത്ത് പരിശോധന നടത്തി. അസ്വാഭാവിക മരണത്തിനാണ് പൊലീസ് കേസ് രജിസ്റ്റര്‍ ചെയ്തിരിക്കുന്നത് നാട്ടുകാര്‍ വിവരമറിയിച്ചതിനെ അറിയിച്ചതിനെ തുടര്‍ന്ന് പൊലീസ് സ്ഥലത്തെത്തി എത്തി കേസെടുത്ത് അന്വേഷണം ആരംഭിക്കുകയായിരുന്നു.മരണകാരണം ഇനിയും വ്യക്തമായിട്ടില്ല. കണ്ണൂര്‍ പള്ളിക്കുന്ന് സ്വദേശിയാണ് ശ്രീജിത്ത്. കാറിന്റെ മുന്‍ഭാഗത്ത് ഇടതുവശത്തായി ഇരിക്കുന്ന നിലയിലായിരുന്നു ശ്രീജിത്തിന്റെ മൃതദേഹം കണ്ടെടുത്തത്.ശ്രീജിത്തിന്റെ ഉടമസ്ഥതയിലുള്ള കാറ് തന്നെയാണിത്.കാറിന്റെ മുന്‍ഭാഗത്ത് ഉറപ്പിച്ചിരുന്നു റെയര്‍ ക്യാമറ താഴെ വീണു കിടക്കുന്നത് കാറിനുള്ളില്‍ മല്‍പ്പിടിത്തം ഉണ്ടായതിന്റെ ലക്ഷണമായി പൊലീസ് കരുതുന്നു. വാഹനത്തിനുള്ളില്‍ നിന്നും മദ്യത്തിന്റെ സാന്നിദ്ധ്യവും പൊലീസ് കണ്ടെടുത്തു. ഇന്‍ക്വസ്റ്റ് നടപടികള്‍ പൂര്‍ത്തിയാക്കിയ ശേഷം മൃതദേഹം പോസ്റ്റുമോര്‍ട്ടം ചെയ്യുന്നതിനായി പരിയാരം മെഡിക്കല്‍ കോളേജിലേക്ക് മാറ്റിയിട്ടുണ്ട്. വിരലടയാള വിദഗ്ദ്ധരും സ്ഥലത്ത് പരിശോധന നടത്തി.
റിട്ടയേര്‍ഡ്‌ ക്രൈംബ്രാഞ്ച്‌ ഉദ്യോഗസ്‌ഥന്‍ പരേതനായ ദാമോദരന്റേയും പരേതയായ ഉഷയുടേയും മകനാണ്‌ ശ്രീജിത്ത്.ഭാര്യ: ബിന്ദു (നഴ്‌സ്‌, യു.എ.ഇ). മക്കള്‍: ബോബിഷ (മെഡിക്കല്‍ വിദ്യാര്‍ത്ഥി), ഹര്‍ഷ (പ്ലസ്‌ ടു വിദ്യാര്‍ഥി). ശ്രീജിത്തിന്റെ സഹോദരങ്ങളായ ശ്രീനാഥ്‌ ആത്മഹത്യ ചെയ്യുകയും ശ്രീരാജ്‌ ട്രെയിനില്‍നിന്നു വീണു മരണപ്പെടുകയും ചെയ്‌തിരുന്നു. ഇതിലുള്ള മാനസിക വിഷമത്തിലായിരുന്നു ശ്രീജിത്തെന്നു ബന്ധുക്കള്‍ പറഞ്ഞു.മൂന്നു മാസമായി ഓഫീസില്‍ പോകാതെ അവധിയിലായിരുന്നെന്നാണ്‌ വിവരം.