ഇടുക്കി: പ്രണയാഭ്യർഥന നിരസിച്ച പെൺകുട്ടിയുടെ മുടി മുറിച്ചുമാറ്റിയ സംഭവത്തിൽ പ്രതി പിടിയിലായി.കരടിക്കുഴി എ.വി.ടി തോട്ടത്തിൽ സുനിൽ കുമാറാണ് (23) പിടിയിലായത്. ഇന്നലെയാണ് വീട്ടിൽ അതിക്രമിച്ച് കയറിയ സുനിൽ കുമാർ പെൺകുട്ടിയുടെ മുടി മുറിച്ചു മാറ്റിയത്. ഇടുക്കി പീരുമേടിന് സമീപം കരടിക്കുഴി എസ്റ്റേറ്റിലാണ് സംഭവം നടന്നത്. സംഭവത്തിൽ പെൺകുട്ടി പോലീസിൽ പരാതി നൽകിയിരുന്നു.വീട്ടിൽ ആരുമില്ലാതിരുന്ന സമയത്ത് അയൽവാസിയായ സുനിൽ പെൺകുട്ടിയോട് പ്രണയാഭ്യർത്ഥനയുമായി എത്തുകയായിരുന്നു. അടുത്തെത്തിയ സുനിലിനെ പെൺകുട്ടി പ്രതിരോധിച്ചത് കത്രികയെടുത്തായിരുന്നു. എന്നാൽ സുനിൽ തന്റെ കയ്യിൽ നിന്നും കത്രിക പിടിച്ചു വാങ്ങിയ ശേഷം തലമുടി ബലമായി മുറിച്ചെടുക്കുകയായിരുന്നുവെന്ന് പെൺകുട്ടി നൽകിയ പരാതിയിൽ പറയുന്നു.