കണ്ണൂര്:കണ്ണൂര് അന്താരാഷ്ട്ര വിമാനത്താവളത്തില് നിന്നും തുടര്ച്ചയായി മൂന്നാം ദിവസവും സ്വര്ണ്ണം പിടികൂടി.25 ലക്ഷം രൂപയുടെ സ്വര്ണ്ണവുമായി കാസര്കോട് സ്വദേശി ഹാഫിസ് ആണ് ഇന്ന് കസ്റ്റംസ് പിടിയിലായത്.480 ഗ്രാം സ്വര്ണ്ണമാണ് ഇയാളില് നിന്നും പിടിച്ചെടുത്തത്. കഴിഞ്ഞ ദിവസങ്ങളില് കസ്റ്റംസ് നടത്തിയ പരിശോധനയില് 85 ലക്ഷം രൂപയുടെ സ്വര്ണ്ണവും പിടിച്ചെടുത്തിരുന്നു. വ്യാഴാഴ്ച ദുബായില് നിന്നെത്തിയ സബീര് മൈക്കാരനില് നിന്ന് 53 ലക്ഷം രൂപ മൂല്യമുള്ള 1038 ഗ്രാം സ്വര്ണ്ണവും വെള്ളിയാഴ്ച ദുബായില് നിന്നെത്തിയ നാദാപുരം സ്വദേശി ആഷിഖ് മീരമ്ബാറയില്നിന്ന് 32 ലക്ഷം രൂപ മൂല്യമുള്ള 676 ഗ്രാം സ്വര്ണ്ണവുമായിരുന്നു കസ്റ്റംസ് പിടികൂടിയത്.