കോഴിക്കോട്: നിയന്ത്രണം പിൻവലിച്ചതോടെ ഇടപാടുകാർ കൂടുതൽപണം പിൻവലിക്കുന്ന സാഹചര്യത്തിൽ പൊതുമേഖലബാങ്കുകളിൽ വീണ്ടും നോട്ടുക്ഷാമം അനുഭവപ്പെടുന്നു. എ.ടി.എമ്മുകളിൽ നോട്ടുകൾ വയ്ക്കേണ്ടെന്നാണ് ബാങ്കുകൾക്ക് ഉള്ള നിർദേശം. ഇടപാടുകാർ കൊണ്ടുവരുന്ന പണമെടുത്ത് പ്രതിസന്ധി നേരിടാനാണ് ജീവനക്കാർ ശ്രമിക്കുന്നത്. നോട്ടിന്റെ ക്ഷാമം സ്വകാര്യ ബാങ്കുകളെ അധികം ബാധിച്ചിട്ടില്ല. ഇവയുടെ എ.ടി.എമ്മുകളിൽ ആവശ്യത്തിന് പണം ലഭിക്കുന്നുണ്ട്.