കണ്ണൂർ : കണ്ണൂർ വിമാനത്താവളത്തിൽ വൻ കറൻസി വേട്ട. 9.45 ലക്ഷം രൂപയുടെ ഇന്ത്യൻ കറൻസിയുമായി കാസർകോട് സ്വദേശി പിടിയിലായി.കാസർകോഡ് മുട്ടതോടി ആമിന വില്ലയിൽ മുഹമ്മദ് അൻവർ ആണ് പിടിയിലായത്.ഗോ എയർ ജി8 1518 വിമാനത്തിൽ ഷാർജയിലേക്ക് പോകാൻ എത്തിയതായിരുന്നു ഇയാൾ.കിയാൽ സ്റ്റാഫും കസ്റ്റംസും സംയുക്തമായി നടത്തിയ പരിശോധനയിലാണ് കറൻസി പിടിച്ചെടുത്തത്. ഷൂസിലും സോക്സിലും വസ്ത്രത്തിലും ഒളിപ്പിച്ച നിലയിലാണ് കറൻസികൾ കണ്ടെത്തിയത്. അസിസ്റ്റന്റ് കമ്മീഷണർ ഇ വികാസ്, സൂപ്രണ്ടുമാരായ വി പി ബേബി, എൻ സി പ്രശാന്ത്, കെ പി സേതുമാധവൻ, ജ്യോതിലക്ഷ്മി, ഇൻസ്പെക്ടർമാരായ കൂവൻ പ്രകാശൻ, അശോക് കുമാർ, ദീപക്, ജുബർ ഖാൻ, രാംലാൽ ഉൾപ്പെടെയുള്ള ഉദ്യോഗസ്ഥ സംഘം ഇയാളെ ചോദ്യം ചെയ്തുവരികയാണ്.