ഇന്തോനേഷ്യ:കർഷകനെ മുതല പിടിച്ചതിന്റെ പ്രതികാരമായി നാട്ടുകാർ 292 മുതലകളെ കൊന്നൊടുക്കി.ഇന്തോനേഷ്യയിലെ പപുവ പ്രവിശ്യയിലാണ് സംഭവം.മുതല ഫാമിനരികില്‍ നിന്ന് കന്നുകാലികള്‍ക്ക് പുല്ല് ശേഖരിക്കുകയായിരുന്നു കർഷകൻ സുഗിറ്റോവിനെ മുതല കടിച്ചു കൊന്നിരുന്നു.വാലില്‍ ചവിട്ടിയ കര്‍ഷകനെ മുതല ആക്രമിക്കുകയായിരുന്നു. കാലില്‍ കടിയേറ്റ സുഗിറ്റോ മരിച്ചതോടെ നാട്ടുകാര്‍ സംഘടിച്ചു.രോഷാകുലരായ നാട്ടുകാർ ആയുധങ്ങളുമായി മുതല സംരക്ഷണ കേന്ദ്രത്തില്‍ എത്തി മുതലകളെ വെട്ടിക്കൊലപ്പെടുത്തുകയായിരുന്നു.സുഗിറ്റോയുടെ കുടുംബത്തിന് നഷ്ടപരിഹാരം നല്‍കാമെന്ന് മുതല ഫാം അധികൃതര്‍ അറിയിച്ചെങ്കിലും നാട്ടുകാർ തൃപ്തരായില്ല.