തലശ്ശേരി:പാനൂരിൽ ആർഎസ്എസ്-സിപിഎം സംഘർഷം.സംഘർഷത്തിൽ ഇരുപാർട്ടിയിലും പെട്ട ഓരോ പ്രവർത്തകർക്ക് വെട്ടേറ്റു.പാലക്കൂലിൽ വെച്ച് എലാങ്കോട് മണ്ഡൽ കാര്യവാഹക് സുജീഷ്,സിപിഎം പ്രവർത്തകൻ കെ.പി ശരത്ത് എന്നിവർക്കാണ് വെട്ടേറ്റത്.ആക്രമണത്തിൽ ഇടതു കൈക്ക് വെട്ടേറ്റ സുജീഷിനെ തലശ്ശേരി ഗവണ്മെന്റ് ആശുപത്രിയിൽ പ്രവേശിപ്പിച്ചു. ശരത്തിനെ തലശ്ശേരി സഹകരണ ആശുപത്രിയിലും പ്രവേശിപ്പിച്ചിരിക്കുകയായണ്. സിപിഎം പ്രവർത്തകൻ താവിൽ ഭാസ്കരൻ,ബ്രാഞ്ച് സെക്രെട്ടറി പി.എം മോഹനൻ എന്നിവരുടെ വീടിനു നേരെയും അക്രമം ഉണ്ടായി.സ്ഥലത്തു പോലീസ് ക്യാമ്പ് ചെയ്യുന്നുണ്ട്.അതേസമയം ആക്രമണങ്ങളിൽ പ്രതിഷേധിച്ച് ബിജെപിയും സിപിഎമ്മും പാനൂർ നഗരസഭാ പരിധിയിൽ ഹർത്താലിന് ആഹ്വാനം നൽകിയിട്ടുണ്ട്.രാവിലെ ആറുമുതൽ വൈകുന്നേരം ആറുവരെയാണ് ഹർത്താൽ.