തലശ്ശേരി:പാനൂർ കടവത്തൂരിൽ സിപിഎം-ലീഗ് സംഘർഷം.സ്ഥലത്തെത്തിയ പോലീസ് സംഘത്തിന് നേരെ ബോംബേറ്.ബോംബെറിൽ പോലീസുകാർക്ക് പരിക്ക് പറ്റി.പോളിംഗ് അവസാനിച്ചതിനുശേഷം കടവത്തൂർ ഇരഞ്ഞിയിൽ കീഴിൽ ലീഗ് പ്രവർത്തകരും സിപിഎം പ്രവർത്തകരും തമ്മിൽ വാക്കേറ്റം നടന്നിരുന്നു. തുടർന്ന് ഇരഞ്ഞിൻ കീഴിലെ സിപിഎം ഓഫീസ് ലീഗുകാർ ആക്രമിച്ചു. പ്രകോപിതരായ സിപിഎം പ്രവർത്തകർ പ്രദേശത്ത് തമ്പടിച്ച് വെല്ലുവിളി സൃഷ്ടിച്ചു. ഇതോടെ സംഘർഷം മൂർച്ഛിച്ചു. ഈ സമയത്ത് ഇവിടെയെത്തിയ കൊളവല്ലൂർ പോലീസിന് നേരെ ഒരു സംഘം ബോംബെറിഞ്ഞു.പ്രിൻസിപ്പൽ എസ്.ഐ എം.കെ.അനിൽകുമാറിനാണ് പരിക്ക് പറ്റിയത്.എസ്.ഐയെ ആശുപത്രിയിൽ പ്രവേശിപ്പിച്ചു. മലബാർ സ്പെഷൽ പോലീസിലെ ചന്ദ്രദാസിനും പരിക്കേറ്റിട്ടുണ്ട്.