പാനൂർ:കണ്ണൂർ മീത്തിലെകുന്നോത്ത് പറമ്പിൽ സിപിഎം-കോൺഗ്രസ് സംഘർഷം. സംഘര്‍ഷത്തില്‍ രണ്ടു സിപിഎം പ്രവര്‍ത്തകര്‍ക്ക് മര്‍ദ്ദനമേറ്റു. പോലീസ് ലാത്തിവീശിയാണ് ഇരുവിഭാഗം പ്രവര്‍ത്തകരെയും ഓടിച്ചത്.കഴിഞ്ഞ രാത്രിയാണ് സംഭവം. സിപിഎം പ്രവര്‍ത്തകരായ ചാലുപറമ്ബത്ത് ബാബുവിന്‍റെ മകന്‍ അനുരാഗ് (18), ചക്കരേന്‍റവിട ദിലീഷ് (35) എന്നിവരെ ബൈക്കില്‍ സഞ്ചരിക്കുന്നതിനിടെ ഒരുസംഘം തടഞ്ഞുനിര്‍ത്തി മര്‍ദ്ദിച്ചു. മർദനത്തിൽ പരിക്കേറ്റ ഇവരെ പാനൂര്‍ സര്‍ക്കാര്‍ ആശുപത്രിയില്‍ പ്രവേശിപ്പിച്ചതോടെ കോണ്‍ഗ്രസ്-സിപിഎം പ്രവര്‍ത്തകര്‍ ആശുപത്രി പരിസരത്ത് സംഘടിക്കുകയായിരുന്നു. തുടര്‍ന്ന് സംഘര്‍ഷമുണ്ടാകുമെന്ന ഘട്ടമെത്തിയതോടെ പോലീസ് പ്രവര്‍ത്തകരെ ലാത്തിവീശി വിരട്ടിയോടിക്കുകയായിരുന്നു. തിങ്കളാഴ്ച പുലര്‍ച്ചെയോടെ മീത്തലെ കുന്നോത്തുപറമ്ബില്‍ കോണ്‍ഗ്രസ് ഓഫീസിനും വായനശാലയ്ക്കും തീയിട്ടിരുന്നു. ഇതിന് പിന്നില്‍ സിപിഎമ്മാണെന്ന ആരോപണവുമായി കോണ്‍ഗ്രസ് രംഗത്തെത്തിയതിന് പിന്നാലെയാണ് പ്രദേശത്ത് സംഘര്‍ഷമുണ്ടായത്.