കണ്ണൂർ:പാപ്പിനിശ്ശേരിയിൽ ബിജെപി-സിപിഎം സംഘർഷത്തിൽ വ്യാപക ആക്രമണം.ബിജെപി അഴീക്കോട് മണ്ഡലം സെക്രട്ടറിയും ജന്മഭൂമി പത്രത്തിന്റെ മാർക്കറ്റിങ് മാനേജരുമായ ബിജുവിന്റെ പാപ്പിനിശ്ശേരി ബോട്ടുജെട്ടിക്കു സമീപത്തെ വീടിനു നേരെ തിങ്കളാഴ്ച പുലർച്ചെ ബോംബേറുണ്ടായി.ആർക്കും പരിക്കേറ്റിട്ടില്ല.പാപ്പിനിശ്ശേരിയിലെ പുതിയകാവിനു സമീപത്തെ സിപിഎം പ്രവർത്തകനായ ശ്രീജിത്തിന്റെ വീടിനും അക്രമിസംഘം തീവെച്ചു.തിങ്കളാഴ്ച പുലർച്ചെ രണ്ടു മണിയോടെയായാണ് സംഭവം.കണ്ണൂരിൽ നിന്നെത്തിയ ഫയർ ഫോഴ്‌സ് ആണ് തീയണച്ചത്.തൊട്ടടുത്ത വീട്ടിലെ മുറ്റത്തു നിർത്തിയിട്ടിരുന്ന കാറും ബൈക്കും പൂർണ്ണമായും കത്തി നശിച്ചു.സംഘർഷത്തെ തുടർന്ന് പാപ്പിനിശ്ശേരി-കല്യാശ്ശേരി പ്രദേശങ്ങളിൽ പോലീസ് പട്രോളിംഗ് ശക്തമാക്കിയിട്ടുണ്ട്.