അഴീക്കോട്:അഴീക്കോട് സിപിഎം-ബിജെപി സംഘർഷം.അക്രമത്തിൽ മൂന്നു സിപിഎം പ്രവർത്തകർക്ക് മർദനമേറ്റു.ഒരു ബിജെപി പ്രവർത്തകന്റെ വീടിനു നേരെ അക്രമം നടന്നു.കഴിഞ്ഞ ദിവസം രാത്രി നീർക്കടവ്-പയ്യാമ്പലം റോഡ് വഴി ബൈക്കിൽ സഞ്ചരിക്കുകയായിരുന്ന സിപിഎം പ്രവർത്തകരായ ചാലിലെ അർജുൻ,അമൽ,ജിഷ്ണു എന്നിവരെ ഒരു സംഘം പിന്തുടർന്ന് മർദിക്കുകയായിരുന്നുവെന്നാണ് പരാതി.ബിജെപി പ്രവർത്തകരാണ് ഇതിന് പിന്നിലെന്ന് സിപിഎം ആരോപിക്കുന്നു.സംഭവം നടന്നു ഒരു മണിക്കൂറിനു ശേഷം അഴീക്കലിലെ ബിജെപി പ്രവർത്തകൻ വൈശാഖിന്റെ വീടിനു നേരെ ആക്രമണം നടന്നു. ആക്രമണത്തിൽ വീടിന്റെ ജനൽ ചില്ലുകൾ തകർന്നു.സംഭവത്തിന് പിന്നിൽ സിപിഎം പ്രവർത്തകരാണെന്ന് ബിജെപി ആരോപിച്ചു.വളപട്ടണം പോലീസ് സ്ഥലത്തു ക്യാമ്പ് ചെയ്യുന്നുണ്ട്.