ചെറുവാഞ്ചേരി:ചെറുവാഞ്ചേരിയിൽ സിപിഎം ഓഫീസിനു നേരെ നടന്ന അക്രമത്തിൽ പ്രതിഷേധിച്ച് ഇന്ന് ഹർത്താൽ ആചരിക്കും.ഇത് മുപ്പതാം തവണയാണ് ഈ ഓഫീസിനു നേരെ ആക്രമണം ഉണ്ടാകുന്നത്.ഡിസംബർ പതിനേഴിനും ഇവിടെ അക്രമം നടന്നിരുന്നു.ഇത്തവണ ഓഫീസിന്റെ ഓടിളക്കി അകത്തുകടന്ന അക്രമിസംഘം ഫ്ളക്സ് ബോർഡുകളും കൊടികളും നശിപ്പിച്ചു.പുതിയ ഓഫീസിനായിട്ട തറക്കല്ലും അടിച്ചു തകർത്തിട്ടുണ്ട്.തലശ്ശേരി എഎസ്പി ചൈത്ര തെരേസ ജോൺ,വിരലടയാള വിദഗ്ദ്ധർ എന്നിവർ സ്ഥലത്തെത്തി പരിശോധന നടത്തി. അക്രമത്തിനു പിന്നിൽ ബിജെപി പ്രവർത്തകരാണെന്ന് സിപിഎം ആരോപിച്ചു. അക്രമത്തിൽ പ്രതിഷേധിച്ച് ഇന്ന് രാവിലെ ആറുമണി മുതൽ വൈകുന്നേരം ആറുമണി വരെ ചെറുവാഞ്ചേരിയിൽ സിപിഎം ഹർത്താൽ നടത്തും.വാഹനങ്ങളെ ഹർത്താലിൽ നിന്നും ഒഴിവാക്കിയിട്ടുണ്ട്.