പത്തനംതിട്ട:പത്തനംതിട്ടയില്‍ നിസാമുദീനിൽ നിന്നെത്തിയ ഏഴുപേരുൾപ്പെടെ 75 പേരുടെ കൊറോണ പരിശോധനാ ഫലം നെഗറ്റീവ്.ഇനി 105 പരിശോധനാ ഫലങ്ങള്‍ കൂടി ലഭിക്കാനുണ്ട്.ജില്ലയില്‍ നിന്ന് 25 പേരാണ് നിസാമുദ്ദീന്‍ സമ്മേളനത്തില്‍ പങ്കെടുത്തത്. ഇതില്‍ രണ്ടുപേരൊഴികെ ബാക്കിയെല്ലാവരും തിരികെ എത്തി. എത്തിയ എല്ലാവരെയും പരിശോധന നടത്തുമെന്ന് ആരോഗ്യ വകുപ്പ് നേരത്തെ അറിയിച്ചിരുന്നു. അതേസമയം, പെരുന്നാട്ടില്‍ കൊവിഡ് നിരീക്ഷണത്തില്‍ കഴിഞ്ഞയാളുടെ പിതാവ് മരിച്ചു. വിദേശത്ത് നിന്നെത്തിയ ആളുടെ പിതാവാണ് മരിച്ചത്. സ്രവ പരിശോധനയുടെ ഫലം ലഭിച്ച ശേഷം മൃതദേഹം സംസ്‌കരിക്കും.