തിരുവനന്തപുരം:കൊറോണ രോഗബാധയെ തുടർന്ന് ഒരാൾ മരിച്ച സാഹചര്യത്തിൽ ജില്ലയിലെ പോത്തൻകോട് പഞ്ചായത്തിൽ ഏർപ്പെടുത്തിയിരുന്ന അധികനിയന്ത്രണങ്ങൾക്ക് ഇളവ് നൽകി.പ്രദേശത്ത് സമൂഹവ്യാപനം നടന്നിട്ടില്ലെന്ന് കണ്ടെത്തിയതിനെ തുടർന്നാണ് നിയന്ത്രണങ്ങൾക്ക് ഇളവ് നൽകിയത്.പോത്തൻകോട് വാവറയമ്പലം സ്വദേശി അബ്ദുൽ അസീസ് കൊറോണ ബാധിച്ച് മരിച്ചതിനെ തുടർന്ന് പോത്തൻകോട് പഞ്ചായത്തിലും മൂന്നുമീറ്റർ ചുറ്റളവിലും ജില്ലാകളക്റ്റർ സമ്പൂർണ്ണ അടച്ചിടൽ പ്രഖ്യാപിച്ചിരുന്നു.ഈ പ്രദേശത്തെ ആളുകൾ ക്വാറന്റൈനിൽ പ്രവേശിക്കണമെന്നും നിർദേശിച്ചിരുന്നു. ഈ ഉത്തരവ് റദ്ദാക്കി കലക്റ്റർ പുതിയ ഉത്തരവിറക്കി.