തിരുവനന്തപുരം:ഇന്ത്യയില്‍ കോവിഡ് വാക്സിന്റെ ഡ്രൈ റണ്‍ ആരംഭിക്കുമെന്ന ആരോഗ്യ മന്ത്രാലയത്തിന്റെ പ്രഖ്യാപനത്തിനു പിന്നാലെ കേരളത്തില്‍ നാല് ജില്ലകളില്‍ നാളെ ട്രയല്‍ നടത്തും.തിരുവനന്തപുരം, ഇടുക്കി, പാലക്കാട്, വയനാട് ജില്ലകളില്‍ ആണ് ജനുവരി 2ന് ട്രയല്‍ റണ്‍ നടക്കുക.രാജ്യത്ത് നടക്കാനിരിക്കുന്ന രണ്ടാമത് ഡ്രൈ റണ്‍ ആണിത്. ഡിസംബര്‍ 28, 29 തീയതികളില്‍ ആസാം, ആന്ധ്ര പ്രദേശ്, പഞ്ചാബ്, ഗുജറാത്ത് തുടങ്ങിയ സംസ്ഥാനങ്ങളിലായിരുന്നു ആദ്യത്തെ ഡ്രൈ റണ്‍. 96,000 വാക്സിനേറ്റര്‍മാരെയാണ് രാജ്യമെമ്പാടും ഇതിനായി തയാറാക്കി നിര്‍ത്തിയിരിക്കുന്നത്.ഓരോ സംസ്ഥാനത്തും ചുരുങ്ങിയത് മൂന്നു സ്ഥലങ്ങളിലെങ്കിലും ഡ്രൈ റണ്‍ നടത്തണമെന്നാണ് തീരുമാനം. ഓരോ കേന്ദ്രത്തിലും 25 ആരോഗ്യപ്രവര്‍ത്തകര്‍ വീതം ഡമ്മി കോവിഡ് വാക്സിന്‍ സ്വീകരിക്കുന്ന പ്രക്രിയയാണിത്. യഥാര്‍ത്ഥ വാക്സിന്‍ ഡ്രൈവ് ആരംഭിക്കുമ്പോൾ ഉണ്ടായേക്കാവുന്ന ന്യൂനതകള്‍ കണ്ടെത്താനുള്ള മാര്‍ഗം കൂടിയാണിത്.കേരളത്തില്‍ സര്‍ക്കാര്‍, സ്വകാര്യ ആശുപത്രികളിലാണ് ട്രയല്‍ റൺ നടക്കുക.