കണ്ണൂർ:കോവിഡ് വ്യാപനം രൂക്ഷമായ സാഹചര്യത്തിൽ തളിപ്പറമ്പ് മുനിസിപ്പാലിറ്റി പ്രദേശങ്ങൾ പൂർണ്ണമായും അടച്ചിടാൻ തീരുമാനം.ജില്ലാ ഭരണകൂടവും പോലീസും നഗരസഭാ അധികൃതരും സംയുക്തമായി ആലോചിച്ചതിനു ശേഷമാണ് ജില്ലാ കലക്റ്റർ അടച്ചിടൽ പ്രഖ്യാപിച്ചത്.കഴിഞ്ഞ ദിവസം മുതൽ ചികിത്സയിലായ കോവിഡ് രോഗികളുടെ സമ്പർക്കമാണ് ഇത്തരത്തിലൊരു ഇത്തരത്തിലൊരു തീരുമാനത്തിലേക്ക് കടക്കാൻ കാരണം.നഗരത്തിലെ ചില കടകൾ വഴി രോഗവ്യാപനമുണ്ടായതായി സംശയമുണ്ട്.അടച്ചിടൽ പ്രഖ്യാപനം ഉണ്ടായപ്പോൾ തന്നെ രാത്രി നഗരസഭാ പരിധിയിൽ പോലീസിന്റെ നേതൃത്വത്തിൽ അറിയിപ്പുണ്ടായി. ഹോട്ടലുകളും കടകമ്പോളങ്ങളും പൂർണ്ണമായും അടച്ചിടും.ആളുകൾ വീടുകളിൽ നിന്നും പുറത്തിറങ്ങുന്നതും നിയന്ത്രിക്കും.സർക്കാർ ഓഫീസുകളിൽ അത്യാവശ്യക്കാരെ മാത്രമേ കയറ്റിവിടുകയുള്ളൂ എന്നും പോലീസ് അറിയിച്ചു.അടച്ചിടൽ ഒരാഴ്ചയിലേറെ നീളാനാണ് സാധ്യത.