കോഴിക്കോട്:മഞ്ചേരി മെഡിക്കൽ കോളേജിൽ നിരീക്ഷണത്തിലിരിക്കെ മരിച്ച കുഞ്ഞിന് കോവിഡ് ഇല്ലെന്ന് സ്ഥിരീകരിച്ചു.56 ദിവസം പ്രായമുള്ള പെണ്‍കുഞ്ഞ് ഇന്ന് രാവിലെയാണ് മരിച്ചത്. കുഞ്ഞിന്‍റെ സ്രവം കോവിഡ് പരിശോധനക്കയച്ചിരുന്നു. ഫലം പുറത്തുവന്നതില്‍ നിന്നാണ് കോവിഡ് നെഗറ്റീവ് ആയി കണ്ടെത്തിയത്.കോയമ്പത്തൂരിൽ നിന്ന് മെയ് അഞ്ചിനാണ് പാലക്കാട് ചെത്തല്ലൂര്‍ സ്വദേശികളും കുഞ്ഞും എത്തിയത്. 14 ദിവസത്തെ നിരീക്ഷണം കഴിഞ്ഞ ശേഷമാണ് കുട്ടിക്ക് പനി ബാധിച്ചത്.കുഞ്ഞിന് ശ്വാസതടസ്സമുണ്ടായതിനെ തുടർന്ന് മഞ്ചേരി മെഡിക്കല്‍ കോളജില്‍ പ്രവേശിപ്പിക്കുകയായിരുന്നു.