തിരുവനന്തപുരം:പൂജപ്പുര ജയിലിലെ 59 തടവുകാര്‍ക്ക് കോവിഡ് സ്ഥിരീകരിച്ചു.ജയിലിലെ 99 പേര്‍ക്ക് നടത്തിയ ആന്റിജന്‍ പരിശോധനയിലാണ് രോഗം കണ്ടെത്തിയത്.പരിശോധന നടത്തിയതിൽ പകുതിയിലേറെ പേര്‍ക്ക് രോഗം സ്ഥിരീകരിച്ച സാഹചര്യത്തില്‍ ജയിലിലെ എല്ലാ തടവുകാരെയും പരിശോധനയ്ക്ക് വിധേയരാക്കും.നിലവില്‍ 1200 തടവുകാരാണ് ജയിലിലുള്ളത്. കഴിഞ്ഞ ദിവസം വിചാരണ തടവുകാരന് രോഗം സ്ഥിരീകരിച്ചതിനെ തുടര്‍ന്നാണ് പല ബ്ലോക്കുകളില്‍ നിന്നുള്ള തടവുകാരെ പരിശോധനയ്ക്ക് വിധേയരാക്കിയത്. ഒരു വര്‍ഷത്തിലേറെയായി ജയിലില്‍ കഴിയുന്ന 71 കാരനായ വിചാരണ തടവുകാരനാണ് കൊവിഡ് സ്ഥിരീകരിച്ചത്. ഈ വ്യക്തിയുടെ രോഗ ഉറവിടം വ്യക്തമല്ല.ഇതാദ്യമായാണ് പൂജപ്പുര ജയിലില്‍ കോവിഡ് കേസുകള്‍ സ്ഥിരീകരിക്കുന്നത്.ജയിലില്‍ രോഗവ്യാപനം ഉണ്ടാകാതിരിക്കുന്നതിനായി വലിയ രീതിയിലുളള ക്രമീകരണം ജയില്‍ അധികൃതര്‍ ചെയ്തിരുന്നതാണ്. ഇവയെല്ലാം മറികടന്നാണ് പൂജപ്പുരയില്‍ രോഗ വ്യാപനം റിപ്പോര്‍ട്ട് ചെയ്തിരിക്കുന്നത്.