കോഴിക്കോട്:കൊച്ചിയിൽ ആക്രമിക്കപ്പെട്ട നടിയെ അപമാനിച്ച സംഭവത്തിൽ പൂഞ്ഞാർ എംഎൽഎ പി.സി ജോർജിനെതിരെ കേസെടുക്കാൻ കോഴിക്കോട് കുന്ദമംഗലം കോടതി ഉത്തരവിട്ടു.ചാനൽ ചർച്ചകളിൽ നടിയുടെ പേര് വെളിപ്പെടുത്തുകയും നടിയെ ആക്ഷേപിച്ചു സംസാരിക്കുകയൂം ചെയ്തതിനെതിരെ ആണ് കേസെടുക്കാൻ നിർദ്ദശം നൽകിയിരിക്കുന്നത്. ഗിരീഷ് ബാബു എന്ന വ്യക്തി നൽകിയ ഹർജിയിലാണ് കോടതി ഉത്തരവ്.ഇത്തരം കേസുകളിൽ ഇരയുടെ പേര് വെളിപ്പെടുത്തരുത് എന്ന നിയമം പി.സി ജോർജ് ലംഘിച്ചു.നടിയെ ആക്ഷേപിച്ചു സംസാരിക്കുകയും ചെയ്തു എന്നതെല്ലാമാണ് ഗിരീഷ് ബാബു നൽകിയ പരാതിയിലുള്ളത്. നേരത്തെ ഇത് സംബന്ധിച്ച് ഗിരീഷ് ബാബു പോലീസിൽ പരാതി നൽകിയിരുന്നെങ്കിലും കേസെടുത്തില്ല.തുടർന്നാണ് ഇയാൾ കോടതിയെ സമീപിച്ചത്.