പാലക്കാട്:പാലക്കാട് വൃദ്ധ ദമ്പതികൾ വീടിനുള്ളിൽ കൊല്ലപ്പെട്ട നിലയിൽ കണ്ടെത്തി. ആലത്തൂർ സ്റ്റേഷൻ പരിധിയിൽപെട്ട തോലന്നൂരിലാണ് സംഭവം.കോട്ടായിയിൽ പുളയ്‌ക്കൽ പറമ്പിൽ സ്വാമിനാഥൻ(72),ഭാര്യ പ്രേമകുമാരി(62) എന്നിവരാണ് കൊല്ലപ്പെട്ടത്. സ്വാമിനാഥനെ മൂർച്ചയുള്ള ആയുധം കൊണ്ട് കഴുത്തറുത്തും പ്രേമകുമാരിയെ കഴുത്തു ഞെരിച്ചും കൊലപ്പെടുത്തിയ നിലയിലാണ് കണ്ടെത്തിയത്.സംഭവ സമയത്ത് ഇവരുടെ മകന്റെ ഭാര്യയും വീട്ടിലുണ്ടായിരുന്നു.ഇവർക്കും അക്രമത്തിൽ പരിക്കേറ്റിട്ടുണ്ടെന്നാണ് റിപ്പോർട്ട്.ഇവരെ പാലക്കാട് ജില്ലാ ആശുപത്രിയിൽ പ്രവേശിപ്പിച്ചു.പോലീസ് അന്വേഷണം ആരംഭിച്ചു.