കൊച്ചി: മധ്യപ്രദേശിൽ പ്രളയത്തിൽപ്പെട്ട് മരിച്ച എറണാകുളം മാമംഗലം സ്വദേശി ക്യാപ്റ്റൻ നിർമ്മൽ ശിവരാജിന് വിട നൽകി രാജ്യം.ഭൗതികശരീരം ഔദ്യോഗിക ബഹുമതികളോടെ സംസ്‌കരിച്ചു.പച്ചാളം ശ്മശാനത്തിലായിരുന്നു സംസ്‌കാരം. നേരത്തെ വീട്ടിൽ പൊതുദർശനത്തിന് വെച്ച ഭൗതികശരീരത്തിൽ നിരവധി പേർ ആദരാഞ്ജലി അർപ്പിച്ചു. ഉച്ചയ്‌ക്ക് രണ്ടേകാലോടെയാണ് ക്യാപ്റ്റൻ നിർമ്മലിന്റെ ഭൗതികദേഹം നെടുമ്പാശ്ശേരി വിമാനത്താവളത്തിൽ എത്തിച്ചത്. വിമാനത്താവളത്തിൽ ഗാർഡ് ഓഫ് ഓണർ നൽകിയ ശേഷം വൈകിട്ട് മൂന്നരയോടു കൂടി മാമംഗലത്തെ ഭാഗ്യതാര നഗറിലെ വീട്ടിൽ എത്തിച്ചു. സംസ്ഥാന സർക്കാറിന് വേണ്ടി മന്ത്രി പിരാജീവ് അന്തിമോപചാരം അർപ്പിച്ചു.സംസ്ഥാന സർക്കാറിന് വേണ്ടി മന്ത്രി പിരാജീവ് അന്തിമോപചാരം അർപ്പിച്ചു. ഹൈബി ഈഡൻ എംപി, ടിജെ വിനോദ് എംഎൽഎ, കളക്ടർ രേണു രാജ് തുടങ്ങി ജനപ്രതിനിധികളും ക്യാപ്റ്റൻ നിർമ്മലിന് അന്തിമോപചാരം അർപ്പിക്കുന്നതിനായി വീട്ടിലെത്തി.നിർമ്മൽ സഞ്ചരിച്ചിരുന്ന വാഹനം ഉൾപ്പെടെ രണ്ടു ദിവസം മുമ്പ് പ്രളയത്തിൽപ്പെടുകയായിരുന്നു. ജബൽപൂരിൽ നിന്നും ജോലി സ്ഥലമായ പച്മഡിലേയ്‌ക്ക് പോകുന്നതിനിടെയാണ് ഇക്കഴിഞ്ഞ പതിനഞ്ചാം തീയതി നിർമലിനെ കാണാതാകുന്നത്.ച്മഡിൽ ചൈനീസ് കോഴ്‌സ് പരിശീലനത്തിൽ ഏർപ്പെട്ടിരിക്കുകയായിരുന്നു നിർമൽ. ജബൽപൂരിൽ സൈന്യത്തിൽ ക്യാപ്റ്റനായ ഭാര്യയെ സന്ദർശിച്ച ശേഷം മങ്ങുമ്പോഴാണ് സഞ്ചരിച്ച വാഹനം പ്രളയത്തിൽപ്പെടുന്നത്.തുടർന്ന് നടത്തിയ തിരച്ചിലിലാണ് രാവിലെ നിർമ്മൽ സഞ്ചരിച്ചിരുന്ന വാഹനം പട്‌നിയെന്ന സ്ഥലത്ത് ഉണ്ടായ പ്രളയത്തിൽ ഒഴുകിപ്പോയ നിലയിൽ കണ്ടെത്തിയത്. തുടർന്ന് ഒരു കിലോമീറ്റർ മാറി നിർമലിന്റെ മൃതദേഹവും കണ്ടെടുത്തു.