തിരുവനന്തപുരം:സംസ്ഥാനത്ത് കൊറോണ വ്യാപനം രൂക്ഷമായ സാഹചര്യത്തിൽ ഞായറാഴ്ചകളിൽ സമ്പൂർണ ലോക്ഡൗൺ ഏർപ്പെടുത്തി സർക്കാർ.ട്രിപ്പിൾ ലോക്ഡൗണിന് സമാനമായ നിയന്ത്രണങ്ങളാകും ഞായറാഴ്ച സംസ്ഥാനത്ത് ഉണ്ടാകുക.അവശ്യസാധനങ്ങൾ വിൽക്കുന്ന കടകൾ മാത്രമാകും ഞായറാഴ്ച തുറക്കുക. അവശ്യസേവനങ്ങളും അനുവദിക്കും. അത്യാവശ്യ യാത്രകൾക്കും അനുമതിയുണ്ട്. കൊറോണ വ്യാപനം കണക്കിലെടുത്ത് വരുന്ന ഞായറാഴ്ചകളിലും ഇത് തുടരാനാണ് സാദ്ധ്യത.സ്വാതന്ത്ര്യദിനത്തിന്റെയും ഓണത്തിന്റെയും പശ്ചാത്തലത്തിൽ സംസ്ഥാനത്ത് കഴിഞ്ഞ രണ്ട് ഞായറാഴ്ചകളിലും ലോക്ഡൗൺ ഉണ്ടായിരുന്നില്ല. ഇതിന് ശേഷം ഞായറാഴ്ചകളിൽ ലോക്ഡൗൺ തുടരണമോയെന്ന ആലോചനയിലായിരുന്നു സർക്കാർ. എന്നാൽ കൊറോണ പ്രതിദിന രോഗികളുടെ എണ്ണം 30,000 പിന്നിട്ടതോടെയാണ് ഞായറാഴ്ച ലോക്ഡൗൺ ഏർപ്പെടുത്താൻ തീരുമാനിച്ചത്. സംസ്ഥാനത്തെ കൊവിഡ് സാഹചര്യത്തില്‍ ആശങ്ക വേണ്ട അതീവജാഗ്രതയാണ് വേണ്ടതെന്ന് ആരോഗ്യമന്ത്രി വീണാ ജോര്‍ജ് അറിയിച്ചു.