തിരുവനന്തപുരം: സംസ്ഥാനത്തെ കൊറോണ ഇളവുകൾ സംബന്ധിച്ച കാര്യങ്ങൾ ചർച്ചചെയ്യുന്നതിനായി മുഖ്യമന്ത്രിയുടെ നേതൃത്വത്തിൽ അവലോകന യോഗം നാളെ ചേരും.ഹോട്ടലുകളിൽ ഇരുന്ന് കഴിക്കുന്നതുമായി ബന്ധപ്പെട്ട കാര്യം പ്രധാനമായും ചർച്ച ചെയ്യും.ആദ്യഘട്ടത്തിൽ പകുതി സീറ്റുകളിൽ മാത്രം സൗകര്യമൊരുക്കാനാണ് സാധ്യത. പ്രതിദിന രോഗബാധിതരുടെ എണ്ണം വർദ്ധിക്കുന്നതിനിടെയാണ് നാളെ മുഖ്യമന്ത്രിയുടെ അദ്ധ്യക്ഷയിൽ അവലോകനയോഗം ചേരുന്നത്. ചൊവ്വ, ശനി ദിവസങ്ങളിലായിരുന്നു യോഗങ്ങൾ ചേർന്നിരുന്നതെങ്കിൽ കഴിഞ്ഞ ചൊവ്വാഴ്ച മുഖ്യമന്ത്രിയുടെ തിരക്കുകൾ കാരണം യോഗം ചേർന്നിരുന്നില്ല. അതിനാൽ കഴിഞ്ഞ ഒരാഴ്ചത്തെ കണക്കുകൾ വിലയിരുത്തിയാവും ഇളവുകൾ പ്രഖ്യാപിക്കുക.സ്‌കൂള്‍ തുറക്കുന്നതുമായി ബന്ധപ്പെട്ട കാര്യങ്ങളും ചര്‍ച്ച ചെയ്യും. കൊവിഡ് മരണവുമായി ബന്ധപ്പെട്ട കണക്കെടുപ്പ്, വാക്‌സിന്‍ വിതരണം എന്നീ വിഷയങ്ങളും യോഗത്തില്‍ ചര്‍ച്ചയാകും. രോഗം ബാധിക്കുന്നവര്‍ വൈകി മാത്രം ചികിത്സ തേടുന്ന പ്രവണത കണ്ട് വരികയാണ്. ഇത് മരണത്തിന് പോലും കാരണമാകുന്നതിനാല്‍ വാര്‍ഡ് കമ്മിറ്റികള്‍ ഗൃഹസന്ദര്‍ശനം വര്‍ദ്ധിപ്പിക്കുന്ന കാര്യവും തീരുമാനിക്കും. പരിശോധനകൾ വർദ്ധിപ്പിക്കുമെന്ന് പറയുമ്പോഴും അത് കൃത്യമായി നടക്കുന്നില്ല. ഈ കാര്യങ്ങളും ചർച്ചയായേക്കും