തിരുവനന്തപുരം: സംസ്ഥാന പൊലീസ് മേധാവി ലോക്നാഥ് ബെഹ്റ സ്വയം നിരീക്ഷണത്തില്‍ പ്രവേശിച്ചു. കൊവിഡ് സ്ഥിരീകരിച്ച മലപ്പുറം കളക്ടര്‍ കെ.ഗോപാലകൃഷ്ണനുമായും എസ്.പി യു അബ്ദുള്‍ കരീമുമായും സമ്പർക്കം പുലര്‍ത്തിയതിനെ തുടര്‍ന്നാണ് അദ്ദേഹം നിരീക്ഷണത്തിലേക്ക് മാറിയത്.ജില്ലാ പോലീസ് മേധാവിക്ക് ഇന്നലെയും കലക്ടര്‍ക്ക് ഇന്നുമാണ് കൊവിഡ് സ്ഥിരീകരിച്ചത്. സബ് കളക്ടര്‍, അസിസ്റ്റന്റ് കളക്ടര്‍ ഉള്‍പ്പെടെ 21 പേര്‍ക്കും രോഗബാധ സ്ഥിരീകരിച്ചിട്ടുണ്ട്. കരിപ്പൂര്‍ ദുരന്തമുണ്ടായപ്പോള്‍ രക്ഷാപ്രവര്‍ത്തനം ഏകോപിപ്പിക്കുന്നതില്‍ ഇരുവരും വ്യാപൃതരായിരുന്നു.