തിരുവനന്തപുരം:കഴിഞ്ഞ ദിവസം കോവിഡ് സ്ഥിരീകരിച്ച മലപ്പുറം കളക്റ്ററുമായി സമ്പർക്കം ഉണ്ടായതിനെ തുടർന്ന് മുഖ്യമന്ത്രി പിണറായി വിജയൻ സ്വയം നിരീക്ഷണത്തിൽ പ്രവേശിച്ചു. കരിപ്പൂർ വിമാനത്താവള സന്ദർശന വേളയിൽ മുഖ്യമന്ത്രിക്കൊപ്പം മലപ്പുറം കലക്റ്റർ എൻ.ഗോപാലകൃഷ്ണനും പങ്കെടുത്തിരുന്നു.നിരീക്ഷണത്തിൽ കഴിയുന്ന സാഹചര്യത്തിൽ ഇന്ന് നടന്ന സ്വാതന്ത്രദിനാഘോഷ ചടങ്ങിൽ മുഖ്യമന്ത്രി പങ്കെടുത്തില്ല.പകരം സംസ്ഥാനതല സ്വാതന്ത്രദിനാഘോഷത്തിന് മന്ത്രി കടകംപള്ളി സുരേന്ദ്രൻ നേതൃത്വം നൽകി.മലപ്പുറം കല്കട്ടർക്ക് പുറമെ സബ്‌കളക്റ്റർക്കും കളക്റ്ററേറ്റിലെ 21 ഉദ്യോഗസ്ഥർക്കും കഴിഞ്ഞ ദിവസം കോവിഡ് സ്ഥിരീകരിച്ചിരുന്നു.മലപ്പുറം എസ്.പി യു.അബ്ദുൽ കരീമിനും രോഗബാധ സ്ഥിരീകരിച്ചിട്ടുണ്ട്.