ന്യൂഡല്‍ഹി: ആഭ്യന്തര മന്ത്രാലയത്തിന്റെ വെബ്സൈറ്റ് ഹാക്ക് ചെയ്തുവെന്ന വാര്‍ത്തയ്ക്ക് ഉറപ്പ് നല്‍കാതെ ഉദ്യോഗസ്ഥര്‍. കേന്ദ്ര ആഭ്യന്തര മന്ത്രാലയത്തിന്റെ സൈറ്റ് ഹാക്ക് ചെയ്തുവെന്നും വിദഗ്ദ്ധര്‍ ക്രമക്കേടുകള്‍ പരിഹരിക്കാന്‍ ശ്രമിക്കുകയാണെന്നും ചില റിപോര്‍ട്ടുകളുണ്ട്.
പിടിഐ ട്വീറ്റിലൂടെയാണിത് ആദ്യം റിപോര്‍ട്ട് ചെയ്തത്. ഹാക്കിംഗിനെ തുടര്‍ന്ന് വെബ്സൈറ്റ് താല്‍ക്കാലികമായി ബ്ലോക്ക് ചെയ്തിരിക്കുകയാണെന്നായിരുന്നു ചില ആഭ്യന്തര മന്ത്രാലയ ഉദ്യോഗസ്ഥരെ ഉദ്ദരിച്ച് പിടിഐ റിപോര്‍ട്ട് ചെയ്തത്.
എന്നാല്‍ വെബ്സൈറ്റ് തകരാറിലാണെന്നും നാഷണല്‍ ഇന്‍ഫോര്‍മാറ്റിക് സെന്റര്‍ ഇത് പരിഹരിക്കാന്‍ ശ്രമിക്കുകയാണെന്നും ഒരു മുതിര്‍ന്ന ഉദ്യോഗസ്ഥന്‍ പറഞ്ഞു. വെബ്സൈറ്റ് ഹാക്ക് ചെയ്തിട്ടുണ്ടോയെന്ന് ഉറപ്പില്ലെന്നും എന്‍ ഐ സി വെബ്സൈറ്റ് ബ്ലോക്ക് ചെയ്തിരിക്കുകയാണെന്നും അദ്ദേഹം അറിയിച്ചു.