ഇരിട്ടി:കണ്ടക്റ്റർക്ക് മർദ്ദനമേറ്റതിനെ തുടർന്ന് ഇരിട്ടി-കണ്ണൂർ,ഇരിട്ടി-തലശ്ശേരി റൂട്ടിൽ ഇന്ന് സ്വകാര്യ ബസ്സുകൾ പണിമുടക്കുന്നു.ഇരിട്ടി-തലശ്ശേരി റൂട്ടിൽ സർവീസ് നടത്തുന്ന കൈലാസം ബസ്സിലെ കണ്ടക്റ്റർ ആറളം സ്വദേശി വിനീതിനാണ്(34) മർദനമേറ്റത്.ചൊവ്വാഴ്ച ഉച്ചയോടെ ഉളിയിൽ നരായമ്പാറയിൽ വെച്ച് ഒരു സംഘം ബസ് തടഞ്ഞു നിർത്തി കണ്ടക്റ്റർ മർദിക്കുകയായിരുന്നുവെന്നാണ് പരാതി.രാവിലെ ഇവിടെ നിന്നും ബസ്സിൽ കയറുമ്പോൾ വിദ്യാർത്ഥിനികൾക്ക് വീണ് പരിക്കേറ്റിരുന്നു എന്നാരോപിച്ചാണ് മർദനം.എന്നാൽ ബസ്സിൽ കയറാൻ ഓടിവരുന്നതിനിടെയാണ് കുട്ടികൾ വീണതെന്നാണ് ബസ് ജീവനക്കാർ പറയുന്നത്. മർദനത്തിൽ പരിക്കേറ്റ വിനീതിനെ ആശുപത്രിയിൽ പ്രവേശിപ്പിച്ചിരിക്കുകയാണ്. സംയുക്ത തൊഴിലാളി യൂണിയനാണ് പണിമുടക്കിന് ആഹ്വാനം ചെയ്തിരിക്കുന്നത്.