കോട്ടയം: കോട്ടയം മെഡിക്കല്‍ കോളജിലെ ഗൈനക്കോളജി ഒ.പിയില്‍ നിന്ന് അര്‍ദ്ധരാത്രികളില്‍ ഒരു സ്ത്രീയുടെ നിലവിളി ശബ്ദം കേള്‍ക്കുന്നതായി പരാതി.ഇതേകുറിച്ച് അന്വേഷിക്കാന്‍ അധികൃതര്‍ തീരുമാനിച്ചു.പരാതികള്‍ നിരവധി ഉയര്‍ന്ന സാഹചര്യത്തില്‍ അന്വേഷണം നടത്താനാണ് ആശുപത്രി അധികൃതര്‍ തീരുമാനിച്ചിരിക്കുന്നത്. സംഭവം പരിശോധിക്കുമെന്ന് സൂപ്രണ്ട് ഡോ.ജയകുമാര്‍ അറിയിച്ചു.രാത്രി പന്ത്രണ്ടിനും പന്ത്രണ്ടരയ്ക്കും ഇടയിലാണ് പലരും ഈ ശബ്ദം കേട്ടതെന്നാണ് പറയുന്നത്. കഴിഞ്ഞ ദിവസവും ഇത്തരത്തിലൊരു നിലവിളി കേട്ടതായി ജീവനക്കാരുടെ വാക്കുകള്‍ ഉദ്ധരിച്ച്‌ റിപ്പോര്‍ട്ടുകളെത്തുന്നുണ്ട്. രണ്ട് തവണ കേട്ടുവെന്നാണ് പറയുന്നത്. എന്നാല്‍ ആരും ശബ്ദം കേട്ട സ്ഥലത്തേക്ക് പോകാന്‍ ധൈര്യം കാണിച്ചില്ല.. ഒന്നിലധികം പേര്‍ ഒരുമിച്ച്‌ ശബ്ദം കേട്ടതായി സാക്ഷ്യപ്പെടുത്തുന്നുണ്ട്.ഇതിന് പുറമെ കഴിഞ്ഞ ദിവസം വൈകിട്ടോടെ ഒപി പൂട്ടാനായി പോയ ജീവനക്കാരിക്ക് വാതില്‍ പുറത്തുനിന്ന് പൂട്ടാന്‍ കഴിയാതെ വന്നതും പേടി കൂട്ടിയിരിക്കുകയാണ്. ഏറെ നേരത്തെ ശ്രമത്തിനൊടുവിലാണ് ഇവര്‍ക്ക് വാതില്‍ പൂട്ടാനായത്. ഇനി മുതല്‍ ആ ഭാഗത്തേക്ക് പോകില്ലെന്നും അതിന് അടുത്തുള്ള വിശ്രമ മുറി ഉപയോഗിക്കില്ലെന്നുമാണ് ജീവനക്കാരി ഇതിനു ശേഷം പറയുന്നത്.