കോഴിക്കോട്:കരിപ്പൂർ വിമാനത്താവളത്തിൽ യാത്രക്കാരുടെ ബാഗേജുകളിൽ മോഷണമെന്ന് പരാതി.കസ്റ്റംസ് പരിശോധന കഴിഞ്ഞ് ബാഗേജുകൾ കയ്യിൽക്കിട്ടിയപ്പോഴാണ് യാത്രക്കാർ മോഷണ വിവരം അറിയുന്നത്.ചൊവ്വാഴ്ച രാവിലെ കോഴിക്കോട്ടെത്തിയ എയർ ഇന്ത്യ എക്സ്പ്രസ്സിന്റെ ഐ.എക്സ് 344 ദുബായ്-കോഴിക്കോട് വിമാനത്തിലെത്തിയ ആറ്‌ യാത്രക്കാർക്കാണ് നാലുലക്ഷത്തോളം രൂപ വിലവരുന്ന സാധനങ്ങൾ നഷ്ട്ടപ്പെട്ടിരിക്കുന്നത്. സ്വർണ്ണം,വിദേശ കറൻസികൾ,ബ്രാൻഡഡ് വാച്ചുകൾ എന്നിവയാണ് നഷ്ട്ടപ്പെട്ടിരിക്കുന്നത്. ചെക്ക് ഇൻ ബാഗേജുകളിലാണ് മോഷണം നടന്നിരിക്കുന്നത്.ചില ബാഗുകളുടെ ലോക്കുകൾ പൊട്ടിച്ച നിലയിലാണ്.ചിലതിന്റെ സിബ്‌ബുകൾ തകർത്ത നിലയിലാണ്.സംഭവത്തിൽ ആറുപേർ എയർ ഇന്ത്യക്കും എയർപോർട്ട് അതോറിറ്റിക്കും പരാതി നൽകി.കസ്റ്റംസ് കമ്മീഷണറും കരിപ്പൂർ പോലീസും അന്വേഷണം ആരംഭിച്ചു.